4 აგვისტოს, გავრცელდა ინფორმაცია, რომ ბიზნესმენ ლევან პირველის და, ლიკა პირველი გარდაიცვალა – ახლობლების ცნობით, ლიკამ ძმას ღვიძლი გადაუნერგა, რის შემდეგაც მას თრომბი განუვითარდა და ლიკა პირველის გადარჩენა ვერ მოხერხდა. ამ ფაქტს ლიკას ახლობლებისგან, მეგობრებისგან დიდი გამოხმაურება მოჰყვა.
„როგორი მაგარი გოგო წავიდა იცით? მთელს ვაკეს, მთელს თბილისს რომ დაწყვიტა გული. ადამიანს ვერ მეტყვით, ის ის რომ არ უყვარდა. უკეთილშობილესი, ულამაზესი, უკარგესი, უსაყვარლესი. თან, როგორ წავიდა.. თავის ძმასთან წავიდა, ჩაფრინდა, გადაუნერგა ორგანო.. ასეთი რამეები არ უნდა ხდებოდეს. ამ გოგოს უნდა ეცოცხლა“, – ამბობს ლიკას ახლობელი, ტიკ-ტოკის ცნობილი მომხმარებელი „ნაფოტა“.
