ვერძი
2024 წლის აგვისტოში რეტროგრადული მერკური გველოდება, რაც ვერძის ნიშნის წარმომადგენლებზე განსაკუთრებულ გავლენას მოახდენს. რეტროგრადული მერკური ერთი მხრივ, ასრულებს ყველაფერს, რაც მოძველებული და უშედეგოა და მეორე მხრივ, შესაძლოა, წარსულში დატოვებულმა ურთიერთობამ კიდევ ერთხელ შეგახსენოთ თავი. ნებისმიერ შემთხვევაში, როგორც ასტროლოგები ამბობენ, აგვისტოში რეტროგრადული მერკურის გავლენით შეგიძლიათ, მანკიერ წრეს, ტოქსიკურ ურთიერთობას თავი საბოლოოდ დააღწიოთ. ამავდროულად, ეს მოგცემთ შესაძლებლობას, რომ ახალ ურთიერთობაზე კონცენტრირდეთ, თავი ბედნიერად იგრძნოთ და საინტერესო თავგადასავალში ჩაერთოთ.
ტყუპები
როგორც ასტროლოგები ამბობენ, 2024 წლის აგვისტოში ვარსკვლავები რომანტიკული ურთიერთობების თვალსაზრისით არაერთ სიურპრიზს გიმზადებენ. შესაძლოა, სწორედ ახლა შეხვდეთ ადამიანს, რომელსაც დიდი ხანია ელოდებით. მეტიც, როცა გაიცნობთ, ის იმდენად ახლობელი აღმოჩნდება თქვენთვის, რომ გაგიჩნდებათ განცდა, თითქოს დიდი ხანია, იცნობთ. ასტროლოგების თქმით, საინტერესო ადამიანს ხალხმრავალ ადგილზე გაიცნობთ. ამიტომაც, ფესტივალებზე, ღონისძიებებზე, დაბადების დღეებზე უარს ნუ იტყვით და აუცილებლად წადით, გაისეირნეთ, დრო სასიამოვნოდ გაატარეთ და თქვენი ცხოვრების ახალი ეტაპი დაიწყეთ.
თევზები
შესაძლოა, ბოლო პერიოდში მთლიანად საქმეზე იყავით კონცენტრირებული და ფიქრობდით, რომ სხვა არაფერო გჭირდებათ. თუმცა, როგორც ასტროლოგები ამბობენ, 2024 წლის აგვისტოში თქვენი ეს წარმოდგენა მთლიანად შეიცვლება. მოგინდებათ, გვერდით გყავდეთ ადამიანი, რომელსაც ჩაეხუტებით, თქვენს ემოციებს გაუზიარებთ და მასთან ერთად დროს კარგად გაატარებთ. ოცნების ახდენის შანსი კი მალე გექნებათ. რადგანაც, სწორედ აგვისტოში შეიძლება შეხვდეთ ადამიანს, რომელსაც შესანიშნავად გაუგებთ. მეტიც, შესაძლოა, ეს ადამიანი თქვენს სამსახურში ან მეგობართა წრეში იყოს და ახლა აღმოაჩინოთ ან განსხვავებული თვალით შეხედოთ. მასთან ემოციურ სიახლოვეს მაშინვე იგრძნობთ და დაგეგმავთ, რომ სიყვარულშიც მალე გამოუტყდეთ.
წყარო: “ბომონდი”
