საქართველოს ეროვნულმა ნაკრებმა პორტუგალიელთა სენსაციური დამარცხებით ევროპის ჩემპიონატის მერვედფინალის საგზური მოიპოვა. აღნიშნულ წარმატებას მთელი მსოფლიოს მასშტაბით ეხმაურებიან ფეხბურთის სპეციალისტები და გულშემატკივრები.
ქართველი სპორტსმენების უდიდეს წარმატებას ეხმაურებიან ის კლუბებიც, სადაც ნაკრების ფეხბურთელები თამაშობენ.
„ჩვენი კვარას სენსაციურმა გოლმა საქართველოს ეროვნული ნაკრები ევროპის ჩემპიონატის მე-16 რაუნდში გადაიყვანა ისტორიაში პირველად. გილოცავთ“, – წერს ხვიჩა კვარაცხელიას კლუბი, „ნაპოლი“ სოციალურ ქსელ X-ში.
Kvara scores a belter to help send @GeorgiaGff to the round of 16 in @EURO2024 for the first time! Congratulations 💪✨
— Official SSC Napoli (@en_sscnapoli) June 26, 2024
💙 #ForzaNapoliSempre pic.twitter.com/FmcuTgjMHm
„დაუჯერებელია, გილოცავთ, გიორგი. ძალიან დამსახურებულ შედეგია“ – წერს „ვალენსიას“ ოფიციალური გვერდი საქართველოს ნაკრების მეკარის, გიორგი მამარდაშვილის მისამართით.
THE MAN!! 🦇🇬🇪🔝👏🏼 Unbelievable! Congrats Giorgi, so well-deserved! https://t.co/nz1iOTAncs
— Valencia CF (@valenciacf_en) June 26, 2024
ევროპის ჩემპიონატის ფარგლებში გიორგი ქოჩორაშვილის განსაკუთრებული მხარდაჭერით გამოირჩევა მისი კლუბი „ლევანტე“, რომელმაც ქართველების გამარჯვების შემდეგ, გიორგისა და ნაკრებს სოციალურ ქსელში პოსტი მიუძღვნა.
„ლეგენდა ხარ საქართველო. ვამაყობთ“, – წერს ესპანური „ლევანტე“.
Sois LEYENDA 🇬🇪
— Levante UD (@LevanteUD) June 26, 2024
Orgullosos de ti, @GKochorashvili #EURO2024 pic.twitter.com/hriQ5tyunz
ხოლო გიორგი მიქაუტაძის კლუბი, მისი ფეხბურთელის ბომბარდირად გახდომას უსვამს ხაზს.
„3 გოლი, 1 საგოლე გადაცემა. მიქაუტაძე, EURO2024-ის საუკეთესო ბომბარდირია და ის მერვედფინალში ითამაშებს! რა სიტყვებით მიულოცავთ ჩვენს „მეგოლეს?“ – მიმართავს კლუბი გულშემატკივრებს.
[ ℙ𝕣𝕠 ]
— FC Metz ☨ (@FCMetz) June 26, 2024
3️⃣ matches
3️⃣ buts
1️⃣ passe décisive
🏆@MikautadzeG, meilleur buteur de @EURO2024FRA, et la Géorgie verront les 8e de finale !
💬 Un mot pour féliciter notre buteur ? pic.twitter.com/GDP5TcBi2X
„რა პერფორმანსი, გილოცავთ, გიორგი და საქართველო“ – წერს გიორგი ჩაკვეტაძის ს კლუბი „უოტფორდი“.
What a performance 👏
— Watford Football Club (@WatfordFC) June 26, 2024
Congratulations, Giorgi and Georgia! 🇬🇪 pic.twitter.com/BGRzLjkK8l
შეგახსენებთ, საქართველოს ეროვნულმა ნაკრებმა 26 ივნისს პორტუგალიის ნაკრები ანგარიშით 2:0 დაამარცხა და ევროპის ჩემპიონატის F ჯგუფიდან მესამე ადგილით გავიდა. 30 ივნისს ეროვნული გუნდი მეოთხედფინალის საგზურის მოსაპოვებლად ესპანეთს დაუპირისპირდება.
