2024 წლის ბოლომდე ჯერ კიდევ რამდენიმე თვეა. შემოდგომა კი არაერთი მნიშვნელოვანი ასტროლოგიური მოვლენითაა სავსე, რომლებიც, როგორც ასტროლოგები ამბობენ, თითოეულ ადამიანზე მნიშვნელოვან გავლენას მოახდენს. 2024 წლის 1-ელ სექტემბერს პლანეტა ურანმა რეტროგრადული მოძრაობა დაიწყო და 30 იანვრამდე გაგრძელდება. იმავე დღეს პლუტონი თხის რქის ნიშანში გადავიდა და იქ 19 ნოემბრამდე დარჩება. აღსანიშნავია, რომ ურანი ცვლილებების პლანეტაა და გავლენას, ფაქტობრივად, ცხოვრების ყველა სფეროზე ახდენს. აღნიშნულ პერიოდში ადამიანებს შეუძლიათ, გადახედონ არსებულ ცვლილებებს ან ახალ გამოწვევებს გაუმკლავდნენ. ნოემბრის ბოლომდე საკმაოდ აქტიური პერიოდია იმისათვის, რომ თითოეულმა ადამიანმა მნიშვნელოვანი სიახლეები დაგეგმოს და განახორციელოს კიდეც. თუმცა, როგორც ასტროლოგები ამბობენ, ამ 5 ნიშანს წლის დასრულებამდე განსაკუთრებით გაუმართლებს:
ვერძი
შეგიძლიათ, პროფესიული სიმაღლეების დასაპყრობად მოემზადოთ, რადგანაც მომდევნო თვეები ამ მიმართულებით ძალიან დიდ წარმატებასა და იღბალს გპირდებათ. სამყარო გაძლევთ უნიკალურ შანსს, დიდი ხნის გეგმები განახორციელოთ და ამავდროულად, თქვენი შრომის ნაყოფიც დაინახოთ, დაიმსახუროთ ჯილდო, წახალისება და ბონუსები. 2024 წლის ბოლო ფინანსური თვალსაზრისითაც ძალიან ხელსაყრელი პერიოდია და გექნებათ შანსი, შემოსავლის მიღების დამატებითი წყაროები მოძებნოთ. წინ ძალიან საინტერესო და აქტიური პერიოდი გელოდებათ. მთავარია, სიახლეების არ შეგეშინდეთ და თქვენი მიზნებისაკენ პირველი ნაბიჯები გადადგათ.
კირჩხიბი
კომფორტის ზონიდან გამოსვლა თქვენთვის წარმატების გასაღებია. მომდევნო თვეები მართლაც მოგცემთ შესაძლებლობას, რომ ვარდისფერი სათვალე მოიხსნათ და მოვლენებს რეალურად შეხედოთ, მნიშვნელოვანი გამოცდილება მიიღოთ და თქვენი მიზნები ზუსტად განსაზღვროთ. ეს სიცხადე აუცილებლად დაგეხმარებათ, რომ თქვენი თავი იქ იპოვოთ, სადაც ყველაზე მეტად გინდათ. შესაძლოა, ამ თვეების განმავლობაში რადიკალური გადაწყვეტილებები მიიღოთ, ზოგიერთ ადამიანთან ურთიერთობას საბოლოოდ დაემშვიდობოთ და ამის გამო ემოციურად შედარებით რთული დღეები გქონდეთ, მაგრამ, როგორც ასტროლოგები ამბობენ, მომდევნო თვეებში საკუთარ თავს მამაცი გადაწყვეტილებების გამო მადლობას აუცილებლად გადაუხდით. ნუ შეუშინდებით გამოწვევებს და გახსოვდეთ საკუთარი ოცნებები. წინ ძალიან საინტერესო ეტაპი გელოდებათ.
სასწორი
თვითგანვითარება და პირადი ცხოვრება – ეს არის ის, რასაც 2024 წლის ბოლო თვეები უნდა დაუთმოთ, თუ გსურთ, რომ ახალი წელი წარმატებებითა და ბედნიერი დღეებით დაიწყოს. მომდევნო თვეები გაძლევთ შანსს, რომ ახალ პროექტებში ჩაერთოთ, რაიმეს შესწავლა დაიწყოთ და თვითგანვითარებაზე იზრუნოთ. ასევე, ახლა გაქვთ შესაძლებლობა, პირად ცხოვრებაში რადიკალური გადაწყვეტილებები მიიღოთ. საბოლოოდ დაემშვიდობოთ წარსულში დატოვებულ ურთიერთობებს და უკვე არსებულ ურთიერთობაში რაღაც შეცვალოთ და განსხვავებულ ეტაპზე გადასვლა გადაწყვიტოთ. თქვენთვის მომდევნო თვეების განმავლობაში ეს საკითხები იქნება აქტუალური, ამიტომ ყურადღებით იყავით და გამოიყენეთ ეს პერიოდი თვითგანვითარებისა და გაცნობიერებული გადაწყვეტილებების მიღებისათვის.
თხის რქა
19 ნოემბერს პლანეტა პლუტონი თხის რქის ნიშანში დაბრუნდება და დახურავს იმ ციკლს, რომელიც ჯერ კიდევ 2008 წელს დაიწყო. ეს კი იმას ნიშნავს, რომ მრავალწლიანი ტრანსფორმაციის ბოლო ეტაპისათვის უნდა მოემზადოთ. ახლა გადიხართ ზუსტად იმ ეტაპს, როცა საბოლოოდ უნდა ჩამოყალიბდეთ, რისი გაგრძელება გინდათ და რაზე უნდა თქვათ უარი. მომდევნო თვეები არაერთ საინტერესო სიახლეს გიმზადებთ. უპირველეს ყოვლისა, კარიერული განვითარების თვალსაზრისით. ამავდროულად, ყველაფერი, რაზეც აქამდე ბევრს შრომობდით, ლოგიკურ დასასრულამდე მივა და თქვენთვის სასარგებლო შედეგს მიიღებთ.
მერწყული
როგორც ასტროლოგები ამბობენ, ახლა დიდი ცვლილებების ზღვარზე ხართ. ყველაფერი, რაზეც ოცნებობდით და მთელი გულით გინდოდათ, შესაძლოა, იმაზე მარტივად მიიღოთ, ვიდრე აქამდე წარმოიდგენდით. მიენდეთ თქვენს ინტუიციას. მომდევნო თვეების განმავლობაში არაერთ ხელსაყრელ შეთავაზებას მიიღებთ. თქვენი ვალია, სიახლეებს არ შეუშინდეთ და შესაბამისი ნაბიჯებიც გადადგათ. სასიამოვნო ცვლილებები გელოდებათ როგორც პროფესიული, ასევე პირადი საკითხების თვალსაზრისითაც. ამიტომ, იყავით აქტიური, გამოიყენეთ წინსვლის შესაძლებლობა და დაისახეთ ამბიციური მიზნები.
