მსახიობი, მეგაშოუ „ცეკვავენ ვარსკვლავების“ გასული სეზონის გამარჯვებული თედო ბექაური სტუმრობდა გიორგი ღოღობერიძის გადაცემას „როგორ გადავრჩი“.
თედო ბექაურმა გადაცემაში საკუთარი ცხოვრების სხვადასხვა ეტაპზე, მნიშვნელოვან მოგონებებსა და გამოწვევებზე ისაუბრა და ასევე უპასუხა გადაცემის წამყვანის შეკითხვას – „რა ასწავლა ყველაზე მთავარი ცხოვრებამ“.
„მასწავლა ყველაზე მნიშვნელოვანი – ადამიანის სწორად ამოცნობა, ცხოვრების სირთულეების გადალახვა და ის, რომ სადაც წაიქცევი, უნდა ადგე, თან ძალიან სწრაფად უნდა ადგე, თორემ ყველა გადაგთელავს.
თუ არ წამოდექი, აბსოლუტურად ყველა ფეხს დაგაბიჯებს, ერთი წუთით არავინ დაგინდობს, გარდა იმ ადამიანებისა, ვისაც ეს გამოცდილი არ აქვთ. სამწუხაროდ ასეა, ვისაც დაცემა გამოცდილი აქვს, ის წამოდგომაში დაგეხმარება, ვისაც არ აქვს გამოცდილი – ის არ დაგეხმარება, თუმცა, შესაძლოა, განცდილიც ჰქონდეს, მაგრამ არ დაგეხმაროს, იმიტომ, რომ რაღაცის შიში აქვს.“, – აღნიშნა თედო ბექაურმა.
