რას გვირჩევენ ვარსკვლავები 8 ივლისს ჯანმრთელობის, ბიზნესის და სიყვარულის მიმართულებით?
ვერძი
ამ დღეს მოვლენების შემდგომი განვითარებისთვის მრავალი განსხვავებული ვარიანტი გამოჩნდება. გირჩევთ საკუთარი სურვილები აკონტროლოთ და წესიერების ფარგლებს არ გასცდეთ. ნუ ეცდებით ერთი გასროლით ორი კურდღლის მოკვლას – ამას განსაკუთრებული ოსტატობა სჭირდება. კარგი პერიოდია გააქტიურებისა და ინიციატივის გამოსაჩენად, ძველი პოზიციების დასაბრუნებლად და გავლენის სფეროების გასაფართოებლად.
კურო
თუ შანსს ხელიდან არ გაუშვებთ, შეიძლება მოგებიანი ხელშეკრულება დადოთ, კარიერულ წინსვლას მიაღწიოთ და გუნდში ავტორიტეტი მოიპოვოთ. ეცადეთ ოპტიმიზმი ნებისმიერ სიტუაციაში შეინარჩუნოთ. გონებამახვილობისა და მდიდარი ფანტაზიით წყალობით ახალი იდეების ჩამოყალიბებას და მიმდინარე მოვლენების ობიექტურად შეფასებას, ასევე თქვენს სასიკეთოდ გამოყენებას შეძლებთ.
ტყუპები
უსაფუძვლო შიშები ცხოვრებას გირთულებთ. სირთულეები ნუ შეგაშინებთ – ისინი თქვენს გასაძლიერებლად გაჩნდნენ. ახალი მოკავშირეები თქვენს ცხოვრებაში ახალ, პოზიტიურ მოტივაციას შემოიტანენ. ეცადეთ საკუთარ პრობლემებს სხვა კუთხით შეხედოთ – მათთან გამკლავება არც ისე რთულია, როგორც ფიქრობთ.
კირჩხიბი
დაბრკოლებები ნუ შეგაშინებთ. ეცადეთ მოთმინება და ცოტა ეშმაკობა გამოიჩინოთ და საქმე თქვენს სასარგებლოდ გადაწყდება. ნაჩქარევი გადაწყვეტილებების მიღებას მოერიდეთ – სასურველია, რომ რჩევა ახლო ნათესავებსა და კოლეგებს სთხოვოთ. კარგი პერიოდია გავლენიანი მფარველების მოსაძიებლად და მატერიალური მდგომარეობის გასაუმჯობესებლად.
ლომი
ნაკლები ილაპარაკეთ და უსარგებლო საქმეებზე დროს ნუ დაკარგავთ. ამით დროსაც დაზოგავთ და უსიამოვნებებსაც თავიდან აიცილებთ. ხელსაყრელი დღეა ჯანსაღი ცხოვრების წესის, სპორტული ვარჯიშებისა და ახალი დიეტის დაწყებისთვის. გაითვალისწინეთ, რომ მომდევნო კვირა ბევრად რთული იქნება, ამიტომ უმჯობესია ყველა მნიშვნელოვანი პრობლემა ახლა მოაგვაროთ.
ქალწული
ფრთხილად იყავით, ეს დღე შეიძლება სტრესული სიტუაციებით იყოს სავსე. მოერიდეთ უხეშობას კოლეგებთან და საყვარელ ადამიანებთან ურთიერთობაში, რასაც კონფლიქტი მოჰყვება. ბიზნესპარტნიორები ყურადღებით გაკვირდებიან, ამიტომ მშვიდად და გააზრებულად უნდა იმოქმედოთ. იზრუნეთ ჯანმრთელობაზე – დროა, მავნე ჩვევებისგან გათავისუფლდეთ და ვარჯიში დაიწყოთ.
სასწორი
ეს დღე ბედის უეცარ შემობრუნებას, ახალ თავგადასავლებსა და იმედგაცრუებას მოგიტანთ. გირჩევთ შეხვედრები და ურთიერთობები მინიმუმამდე შეამციროთ და ყურადღება მთავარ საკითხებზე გაამახვილოთ. პროფესიულ სფეროში დაშვებული შეცდომები დიდ დროს წაგართმევთ. ეცადეთ საყვარელი ადამიანები არ დაივიწყოთ და მხარი დაუჭიროთ – მათ ახლა თქვენი ყურადღება ყველაზე მეტად სჭირდებათ.
მორიელი
თუ შესაძლებელია, მობილური ტელეფონი გამორთეთ და ოჯახურ გარემოში, ოჯახის წევრებთან და ახლო მეგობრებთან ერთად ყოფნით დატკბით. თუ ამ ბოლო დროს ბევრს მუშაობთ, ეს დასვენებისა და ძალების აღდგენის შესანიშნავი შესაძლებლობაა. ამ დღეს შორეულ მოგზაურობაში წასვლისგან თავის შეკავება სჯობს.
მშვილდოსანი
ამ დღეს დიდია ცდუნების, მოტყუებისა და იმედგაცრუების ალბათობა. თუ სიფრთხილეს და წინდახედულებას გამოიჩენთ, შესაძლოა, დაგებულ მახეებს თავი დააღწიოთ. გირჩევთ ოჯახური ბიუჯეტის ხარჯვა აკონტროლოთ, რადგან მოულოდნელი ხარჯი შემოსავალზე მეტია. გაითვალისწინეთ მეგობართა და ახლობელთა რჩევები, რადგან კარიერულ წინსვლას და პროფესიულ განვითარებას მხოლოდ მათი დახმარებით შეძლებთ.
თხის რქა
სავარაუდოდ, დღევანდელი კონფლიქტი თქვენს სასარგებლოდ არ დასრულდება და მაშინვე ახალი პრობლემები გაჩნდება. ეცადეთ, პანიკაში არ ჩავარდეთ. თქვენი ფიზიკური და გონებრივი შესაძლებლობები ყველაფერს სწრაფად გაუმკლავდება. გამორიცხული არ არის, რომ ძველი კოლეგებისგან მოულოდნელი შეთავაზება მიიღოთ. ადამიანი, რომელსაც ამ დღეს გაიცნობთ, მომავალში ძალიან გამოგადგებათ.
მერწყული
ის, რაც აქამდე ბნელით იყო მოცული, სრულიად ნათელი გახდება. ბოლოს და ბოლოს თქვენთვის მნიშვნელოვანი ადამიანების ამა თუ იმ მოქმედებების მიზეზს გაიგებთ. ნუ მისცემთ კოლეგებს უფლებას, რომ თქვენს საქმეში ჩაერიონ.
თევზები
პლანეტების განლაგება თევზებისთვის საკმაოდ არახელსაყრელ დღეს გვპირდება. საყვარელ ადამიანებთან ურთიერთობაში ძველი წყენა და გაუგებრობები იჩენს თავს. არ არის გამორიცხული, რომ პარტნიორებმა გიღალატონ. ეცადეთ კომპრომისი იპოვოთ, წინააღმდეგ შემთხვევაში სიტუაცია შეიძლება უკონტროლო გახდეს. მოერიდეთ ჭორაობას და უსარგებლო საუბრებს, განსაკუთრებით სამსახურში.
Funtime.ge
