მენოპაუზის დროს (51-დან 53 წლამდე) ქალები იმატებენ ოთხიდან რვა კილოგრამამდე – მეტაბოლიზმის შენელების გამო, ასევე, ჰორმონ ესტროგენის რაოდენობის შემცირების გამო, რაც ხელს უწყობს შენახვისა და წვის პროცესის რეგულირებას. რაც ყველაზე უსიამოვნოა, ჭარბი ცხიმი ყველაზე ხშირად გროვდება წელის არეში და მუცელი მათაც უჩნდებათ, ვისაც ადრე პრესი ჰქონდა.
რა უნდა მიირთვათ და როგორ ივარჯიშოთ 50 წლის შემდეგ ამ პრობლემების თავიდან ასაცილებლად.
მოერიდეთ გაზიან სასმელებს
შებერილობის ყველაზე გავრცელებული “დამნაშავეა” ლუდი და გაზიანი სასმელები. თავი შეიკავეთ მათი მიღებისგან დაძინებამდე მინიმუმ ორი საათით ადრე, ან კიდევ უკეთესი, მთლიანად მიატოვეთ ისინი. შაქრიანი გაზიანი სასმელები და ალკოჰოლი ანელებს მეტაბოლიზმს და მავნეა შინაგანი ორგანოებისთვის – ამიტომ, ბრტყელი მუცელი მათი თავიდან აცილების მხოლოდ ერთ-ერთი უპირატესობაა.
დალიეთ პიტნის ჩაი
პიტნა არის ბუნებრივი საშუალება, რომელიც ეხმარება მოდუნებას, ამშვიდებს კუჭ-ნაწლავის ტრაქტს და ხელს უშლის შებერილობას. პიტნის ჩაი ან წყლისგან დამზადებული სასმელი, რომელსაც დამატებული აქვს რამდენიმე წვეთი პიტნის ზეთი, არა მხოლოდ დაამშვიდებს ნერვულ სისტემას ძილის წინ, არამედ დაგიყენებთ ბრტყელ მუცელს.
მიირთვით მეტი ცილა
პროტეინი აუცილებელია კუნთოვანი ქსოვილის ასაშენებლად, ასევე გვეხმარება სისავსის შეგრძნების შენარჩუნებაში და გიქრობთ რაიმე ტკბილის და მაღალკალორიულის ჭამის სურვილს. ეცადეთ, ყოველი ჭამის დროს მიირთვათ ცილოვანი საკვები – ის გემრიელიც არის და ჯანსაღიც.
არ გამოტოვოთ საუზმე
საუზმის გამოტოვება ცუდად მოქმედებს სისხლში შაქრის დონეზე და, გრძელვადიან პერსპექტივაში, შესაძლოა გაზარდოს უჯრედების ტოლერანტობა ინსულინის მიმართ. გარდა ამისა, თუ საუზმეს გამოვტოვებთ, ლანჩის დროს ალბათ მეტს ჭამთ და ნაკლებად სავარაუდოა, რომ ეს საკვები იყოს ჯანსაღი.
როგორ ვივარჯიშოთ?
უმჯობესია უპირატესობა მიანიჭოთ იოგას, პილატესს და სხვა გაჭიმვის ვარჯიშებს, მაგრამ ამავდროულად დაიწყეთ მცირე დატვირთვებით და თანდათან გაზარდეთ ინტენსივობა. გთავაზობთ რამდენიმე იოგას ვარჯიშს, რომლებიც განსაკუთრებით ეფექტურია მუცლის ცხიმისთვის.
ქვევით მიმართული ძაღლის პოზა
იოგაში ერთ-ერთი ყველაზე ცნობილი პოზა ხელს უწყობს კუჭში უსიამოვნო გაზების მოცილებას, აუმჯობესებს სისხლის მიმოქცევას და ასტიმულირებს საჭმლის მონელებას. დადექით პირდაპირ, გაშალეთ ფეხები მხრების სიგანეზე და ნელა მოხარეთ წინ, სანამ ხელები იატაკს არ შეეხება – ისე, რომ სხეული შებრუნებულ V-ს დაემსგავსოს. ამის შემდეგ, მტკიცედ დააჭირეთ ხელები და ფეხები იატაკზე და ღრმად ჩაისუნთქეთ.
ზევით მიმართული ძაღლის პოზა
ეს პოზა ხელს უწყობს მუცლის გრძელი და ირიბი კუნთების დამუშავებას, აძლიერებს პრესს და აუმჯობესებს სისხლის მიმოქცევას. დაწექით იატაკზე პირქვე, ფეხები მხრების სიგანეზე. იდაყვებში მოხრილი ხელები, თითქოს აზიდვების დაწყებას აპირებთ. ჩაისუნთქეთ და ნელა აწიეთ სხეულის ზედა ნაწილი იატაკიდან, ხელებზე დაეყრდენით. ამოსუნთქვის შემდეგ დარჩით ამ მდგომარეობაში 20 წამის განმავლობაში, შემდეგ ნელა დაუბრუნდით საწყის მდგომარეობას.
მუხლები მკერდამდე
ეს მარტივი პოზა შეუცვლელია მათთვის, ვისაც საჭმლის მომნელებელი სისტემის პრობლემები აქვს. დაწექით ზურგზე, დაისვენეთ. ღრმად ჩაისუნთქეთ და ნელა ამოსუნთქვისას მუხლები ნელა მისწიეთ მკერდისკენ. შემდეგ შეგიძლიათ მონაცვლეობით მისწიოთ მუხლი ნიკაპამდე და უკან.
კატის პოზა
ეს პოზა ხელს უწყობს კუნთების დაძაბულობის მოხსნას ზურგის, მკერდისა და კისრის არეში, ასევე, ხელს უწყობს შებერილობის მოხსნას. დადექით ოთხზე, მუხლები ბარძაყის სიგანეზე, ხელები მხრების სიგანეზე. ჩაისუნთქეთ, თავი ზემოთ ასწიეთ, ამოსუნთქვისას ზურგმა მრგვალი ფორმა უნდა მიიღოს. გაიმეორეთ გაჭიმვა რვა-ათჯერ.
